P P Ramachandran

പട്ടാമ്പിപ്പുഴക്കരയിൽ
പാട്ടുപന്തൽ പടിക്കരികിൽ
പത്തുനൂറു കരിമ്പനകൾ
പാർത്തുനിൽക്കും വരമ്പരികിൽ
ഉയരത്തിലുയരത്തിൽ
ഒരു കമ്പിൽ തലയോട്!

അരങ്ങിനെക്കുറിച്ചുള്ള പരമ്പരാഗത സങ്കല്പം – നിൽക്കാനൊരു തറയും മൂന്നു മറയും മുന്നിലൊരു തുറയും – പൊളിച്ചുകളഞ്ഞിട്ട് കാലമേറെയായി. തുറന്ന അരങ്ങ് പുതുമയല്ലാതായി. ഇന്നലെ കൂറ്റനാട്ട് ‘രൂപകല്പനയുടെ ഉത്സവ’ത്തിൽ ഷാജി ഊരാളിയുടെ ഏകാംഗനാടകം ‘മിന്നുന്നതെല്ലാം’ അവതരിപ്പിക്കാനായി സംഘാടകർ തിരഞ്ഞെടുത്തത് ഒരു മാളിനു സമീപമുള്ള ഫുട്ബോൾ ടർഫ് ആയിരുന്നു!

ഒരിടത്തൊരു രാജാവ്. രാജാവിന് മീശയുള്ളവരെ പേടി! പേടിമൂത്ത രാജാവ് പ്രജകളോട് ദേഹത്തെ രോമമെല്ലാം വടിക്കാൻ കല്പിച്ചു. ക്ഷുരകന്മാർക്ക് പണിയായി. രാജ്യമാകെ വടിച്ചിട്ട രോമക്കാടു നിറഞ്ഞു. അതിൽനിന്ന് പുറത്തുകടന്ന പേനുകൾ നാടെങ്ങും പരന്നു . പേൻബാധയെ പേടിച്ച് കോവിഡുകാലത്തെന്നപോലെ ആളുകൾ വീട്ടിൽനിന്നു പുറത്തിറങ്ങാതായി. സ്കൂളുകൾക്ക് അവധി കൊടുത്തു. കുട്ടികളോട് വീട്ടിലിരുന്നു കളിക്കാൻ ഉത്തരവായി.

പ്രകാശം പരത്തുന്ന പെണ്ണുങ്ങളുടെ കഥയാണ് പ്രഭയായ് നിനച്ചതെല്ലാം. മുംബൈയിലെ ഒരു സ്വകാര്യ ആസ്പത്രിജീവനക്കാരികളായ പ്രഭ, അനു, പാർവതി എന്നിങ്ങനെ മൂന്നു തലമുറകളെ പ്രതിനിധീകരിക്കുന്ന മൂന്നു നായികമാർ. ദുരിതങ്ങളോടു പൊരുതി ജീവിക്കുന്ന അവർക്കു മുന്നിൽ അവരോട് ഇടപെടുന്ന ആണുങ്ങൾ വെറും നിഴലുകൾ.